|
Բադմինթոնի համաշխարհային ժողովում
2014 թ. մայիսի 20-23-ը Հնդկաստանի մայրաքաղաք Դելիում անցկացվեց բադմինթոնի համաշխարհային ֆեդերացիայի հերթական ընդհանուր ժողովը: Ժողովին հրավիրված էր մասնակցելու նաև Հայաստանի բադմինթոնի ֆեդերացիայի նախագահ Հրաչյա Պողոսյանը: Հ.Պողոսյանը, Հայաստանի բադմինթոնի ֆեդերացիայի պատվավոր նախագահ, Բուլղարիայի բադմինթոնի ֆեդերացիայի նախագահ և Բալկանյան երկրների ասոցիացիայի նախագահ, պրոֆեսոր-դոկտոր Բյուզանդ Կասաբյանի ուղեկցությամբ, հանդիպումներ ունեցավ բադմինթոնի համաշխարհային ֆեդերացիայի նախագահ Փոլ Էրիկ Հոյերի, Եվրոպայի ասոցիացիայի նախագահ Գրիգորի Վերպորտենի և գլխավոր քարտուղար Բրայն Ագերբակի հետ: Հանդիպման հիմնական թեման պայմանավորված էր Հայաստանում և տարածաշրջանում բադմինթոնի հետագա զարգացման հետ: Ինչպես նաև Բյուզանդ Կասաբյանի հետ ձեռք բերվեց պայմանավորվածություն, ոպեսզի մինչև 13 տարեկանների թիմը /2 տղա, 3 աղջիկ/ հուլիսի 12-20-ը Բուլղարիայի Օրյախովո քաղաքում մասնակցի Բալկանյան երկրների խաղերին և ընկերական հանդիպումներ ունենա Պերվոմայ և Հասկովո քաղաքներում: Հայաստանի Բադմինթոնի Ֆեդերացիա |
... |
© Հ.Մինասյան